Bog‘otda mahalla xodimlari kuni nishonlandi

Davlatimiz rahbari tomonidan mahalla institutining jamiyatimiz ijtimoiy-ma'naviy hayotida tutgan o'rnini hisobga olib, soha xodimlarini qo'llab-quvvatlash maqsadida 22-mart – “Mahalla tizimi xodimlari kuni” deb e'lon qilingan edi. Shu munosabat bilan bugun Bog'ot tumanida mazkur sanaga bag'ishlangan bayram tadbiri tashkil etildi. Unda tuman hokimi, sektor rahbarlari, mahalla tizimida faoliyat yuritib kelayotgan yettilik xodimlari va nuroniylar ishtirok etishdi. Tuman hokimi Jahongir Nazarov mahalla xodimlarini qo'shaloq bayram bilan samimiy muborakbod etib, ularga mas'uliyatli va serqirra faoliyatlarida yangi yutuq va omadlar tiladi. Tadbirda o'z sohasida fidoiylik bilan xizmat qilayotgan xodimlar tuman hokimligining tashakkurnoma va esdalik sovg'alari bilan taqdirlandilar. Shuningdek, tadbir doirasida yig'ilganlar uchun iftorlik dasturxoni ham yozildi. Izoh qolidrish